السفينة التيتنك

نصراوى الأربعاء نوفمبر 19, 2014 9:01 pm

في سنة 1912، بوزن يبلغ 52,310 طن، و بإسم معناه "الجبارة" انطلقت السفينة التيتانك في المحيط الأطلسي في رحلة من لندن إلى نيويورك تحت قيادة كابتن إدوارد جون سميث.
السفينة بُنيت بأحدث التقنيات الموجودة في عصرها لدرجة انها اصبحت اسطورة و اتسمت "السفينة التي لا تغرق" أو "The Unsinkable Ship".

في اليوم الخامس من الرحلة و في المنطقة الجليدية للساحل الشرقي لكندا تلقت حجرة اللاسلكي في السفينة إنذارات بوجود جبال جليدية في الميّاه لكن الكابتن سميث و طاقمه مهتموش بأي تحذير لأنهم شافوا في نفسهم الخبرة الكافية لتخطي الجبال الجليدية و شافوا ان بعيد عن قدراتهم فالسفينة مستحيل تغرق.
في الساعة 9 بليل دخل الكابتن ينام بعد ما ساب السفينة تنطلق بأقصى سرعتها في عرض المحيط، و في الساعة 12 من نفس الليلة انطلقت إنذارات السفينة تنذر بوجود جبل جليدي ضخم، و بعد محاولات فاشلة من الكابتن و الطاقم لتخفيف السرعة او الانحراف عن الجبل حصل الاصطدام المُحتّم.
الكارثة حصلت لأن الكابتن أصر على تجاهل أي تحذير من الطاقم لإصراره على إثبات انها سفينة لا تغرق، و مش بس تسبب في إصطدام السفينة لكنه كمان تسبب في غرق مئات الأرواح اللي رفضت تخرج من السفينة لأنهم فضلوا مصدقين انها مش هتغرق و ان الكابتن أكيد هيلاقي حل و ينقذهم في آخر لحظة.
ده اللي بيحصل لما بتشتغل تحت قيادة أشخاص بيرفضوا الإعتراف بغلطاتهم و تصحيحها، بل و بيكابروا علشان يثبتوا صحتهم ولو كان المقابل مصلحتك أو حتى حياتك!
النوع ده من القادة من اللي مصدقين انهم عباقرة مستحيل يغلطوا لازم تبعد عن قيادتهم حتى لو كانوا في أحدث المؤسسات و انجحها لأنه لابد انهم يغرقوا، ولابد برضو انهم هيغرقوك معاهم.

=====================

نصراوى الأربعاء نوفمبر 19, 2014 9:28 pm

هو احنا اخدنا في الكليه ان سبب الغرق كان مشكله في التركيب الجزيئي لشوية حاجات من المعدن . بحيث ان لما المعدن درجة حرارته قلت جامد بفعل الجليد مقدرش يستحمل الخبطه فحصل كراك و الدنيا اتزروطت منهم

نصراوى الأربعاء نوفمبر 19, 2014 9:29 pm

لسبب العلمى لذالك الحادثه المفجعه ...ان من صنع هذه السفينه لم يا خذ فى اعتباره خصائص المعادن المستخدمه ولا انواع السبائك ا..حيث ان بع السبائل اذ اتعرضت لدرجة حراره اقل من الصفى تصبح الماده هشه اى سهلة الكسر وعندما دخلت السفينه فى المنطقه الاكثر برودا ادت الى حدوث تلك الظاهره ..وتكون المنطفه الاضعف هى منطقة وسط السفينه وهذا ما حدث ابالفعل وليس كما تصوره المخرج

نصراوى الأربعاء نوفمبر 19, 2014 9:30 pm

ده زائد انهم زودو نسب الكبريت والماغنسيوم ظنا انه هيقوى الصلب ولكن فى درجات الحرارة المنخفضة كان بيخليه هش وسهل الكسر
السبب اللى بعديه ان كان فيه 3 مليون مسمار برشمة وديه كان طريقة الوصل وده خلى يكون فيه حاجة اجهادات متبقية خلت المناطق ديه اكثر عرضة للكسر
وفى النهاية هنقول ان ده كان ارادة ربنا لأن تذكرة السفينة كان مكتوب عليها Titanic ...Even God can't sink it

نصراوى الأربعاء نوفمبر 19, 2014 9:32 pm

السفينة التيتنك

السفينة التيتنك

رد: السفينة التيتنك

رد: السفينة التيتنك

رد: السفينة التيتنك

رد: السفينة التيتنك